У Турцыі пасля землятрусу пад следства патрапілі больш за 600 чалавек
На гэты момант у Турцыі вядзецца следства ў дачыненні да 612 чалавек, якія з'яўляюцца падазраванымі па справе аб расследаванні прычын маштабных разбурэнняў падчас нядаўняга землятрусу. У асноўным гэта прадстаўнікі будаўнічых і падрадных арганізацый, а таксама дзяржаўныя чыноўнікі, паведамляе агенцтва Associated Press.
Міністр юстыцыі краіны Бекір Баздаг паведаміў, што 184 падазраваныя да суда ўжо змешчаныя пад варту. Сярод іх — будаўнічыя падрадчыкі, уладальнікі ці кіраўнікі будынкаў, а таксама некаторыя дзяржчыноўнікі.
Падставай для завядзення спраў з'яўляюцца новыя доказы, якія выяўляюцца пры абследаванні разбураных будынкаў. Як высветлілася, многія разбураныя дамы былі пабудаваныя з выкарыстаннем няякасных матэрыялаў і не адпавядалі дзяржаўным стандартам.
У выніку землятрусу сілай 7,8 бала, які адбыўся 6 лютага на поўдні Турцыі і поўначы Сірыі, загінула амаль 48 тысяч чалавек.
Чытайце таксама:
Трох чалавек дасталі з-пад завалаў у Турцыі праз 13 дзён пасля землятрусу
«Чалавека можа ўратаваць уважлівасць і падрыхтаванасць». Навуковец расказаў, як прадбачыць землятрус і што трэба мець каля сябе, калі жывеш у сейсмазоне
Як сябе паводзіць у землятрус і дзе лепш хавацца
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары