Уладальнік кветкавай крамы Максім Харошын запускае бізнэс-бранчы ў Вільні і Варшаве
Пра гэта прадпрымальнік распавёў у інстаграме.
Максім Харошын займаецца фларыстыкай больш за 8 гадоў. У кветкавы бізнэс ён перайшоў з рэстараннай сферы — гэтаму бізнэсу ён аддаў 14 гадоў.
Пасля пераезду ў Вільню Харошын адкрыў там кветкавую краму. А пазней адкрыў іх і ў іншых еўрапейскіх гарадах — Варшаве і Рызе.
У інстаграме ён расказаў, што вырашыў аб'яднацца з іншымі бізнэсоўцамі і стаць арганізатарам першых беларускіх бізнэс-бранчаў у Вільні.
«Гэта класны фармат камунікацыі, дзе ў свой выхадны мы ў нязмушанай атмасферы за сняданкам і келіхам ігрыстага падзелімся сваім досведам, раскажам спецыфіку анлайн– і афлайн-бізнэсу», — паведаміў ён у сторыз.
Такія сняданкі з рознымі спікерамі плануюць арганізоўваць па некалькі разоў на месяц. Спікерамі будуць дызайнеры, айцішнікі, блогеры, артысты, прадпрымальнікі.
У Вільні яны стартуюць з сакавіка. А з красавіка такі фармат абяцаюць і ў Варшаве.
Максім Харошын з'ехаў з Беларусі пасля таго, як быў збіты сілавікамі. 13 кастрычніка 2020 года ў Мінску яго жорстка затрымалі, а з РУУС павезлі на хуткай у бальніцу.
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары