Палякі баяцца, што аднаўленне прамых авіязносін паміж Тэгеранам і Мінскам робіцца для дастаўкі мігрантаў
Дзяржсакратар канцылярыі прэм'ера Польшчы Станіслаў Жарын заявіў, што маршрут нелегальнай міграцыі з Беларусі на Захад застаецца актыўным. Расія і Беларусь, маўляў, працягваюць весці гібрыдную аперацыю, накіраваную на дэстабілізацыю Еўропы, і анансаванае аднаўленне паветраных зносін паміж Мінскам і Тэгеранам мае гэтаму спрыяць.
Жарын звярнуў увагу на тое, што беларускія праўладныя СМІ цяпер анансуюць адкрыццё новых авіязносін Тэгерана і Мінска, а да таго ж іранскія авіякампаніі будуць выконваць больш рэйсаў у Расію.
Звяртаючы ўвагу на тое, што рашэнні былі прынятыя пасля візіту Лукашэнкі ў Тэгеран, польскі чыноўнік кваліфікуе іх як спробу запусціць новыя міграцыйныя працэсы і прывесці да актывізацыі гібрыднай аперацыі з выкарыстаннем мігрантаў.
Паводле яго, Расія ўжо шмат гадоў выкарыстоўвае міграцыйны ціск для дзеянняў супраць розных краін Еўропы. Гэтыя расійскія стратэгі разглядаюць як адзін з інструментаў неваеннай дзяржаўнай агрэсіі.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся10
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары