Чэргі з фур на мяжы з Еўрасаюзам меншымі не становяцца — Пагранкамітэт
Звыш 1 940 грузавікоў стаіць у чэргах на мяжы раніцай 29 сакавіка ў чаканні ўезду ў ЕС.
Па стане на 10:00 больш за 1 тысячу грузавых машын сабралася перад польскім пунктам пропуску «Кукурыкі» («Казловічы»). Пры гэтым кантрольныя службы Польшчы не сталі працаваць хутчэй і афармляюць менш за 60% фур.
Што ж тычыцца літоўскага кірунку, то ў чарзе перад пунктам пропуску «Мядзінінкай» («Каменны Лог») стаіць каля 520 грузавікоў, у «Шальчынінкаі» («Беняконі») — 380, у «Райгардасе» («Прывалцы») — 40.
Паводле інфармацыі ДПК, за мінулыя суткі сумежныя кантрольныя службы прапусцілі на сваю тэрыторыю толькі 13% фур ад нормы.
Павольнае афармленне легкавых машын фіксуецца ў пунктах пропуску «Мядзінінкай» («Каменны Лог») і «Тарэспаль» («Брэст») — 40% і 35% аўто ад нормы адпаведна.
Чарга з фур на беларуска-польскай мяжы расцягнулася на 30 кіламетраў
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм14
Каментары