Урад Украіны пачаў дэнансацыю дамовы з Беларуссю аб пенсійным забеспячэнні
Кабінет Міністраў Украіны ўхваліў праект закона, які прадугледжвае дэнансацыю дамовы з Беларуссю аб гарантыях праў грамадзян у сферы пенсійнага забеспячэння.
Гэтую дамову падпісалі ў Кіеве 14 снежня 1995 года. Дакумент рэгулюе пытанне дзяржаўнага пенсійнага забеспячэння грамадзян, якія пастаянна жылі або пераехалі на пастаяннае пражыванне ў краіны-падпісанты.
У прыватнасці, гаворка ішла аб налічэнні пенсій па ўзросце, па інваліднасці, за выслугу гадоў і ў выпадку страты кармільца.
Цяпер гэты праект закона мусіць разгледзець і ўхваліць Вярхоўная Рада Украіны. Дамова страціць юрыдычную моц праз шэсць месяцаў пасля таго дня, як Беларусь атрымае паведамленне Украіны аб яе дэнансацыі.
З пачатку расійскага ваеннага ўварвання ва Украіну, якое падтрымала кіраўніцтва Беларусі, украінскі ўрад скасаваў, дэнансаваў, спыніў дзейнасць або выйшаў з больш як 20 двухбаковых пагадненняў, дамоў і мемарандумаў.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары