У Мінску прадаецца ідэальная кватэра для тых, хто сумуе па СССР. Від з акна — на манумент Перамогі, мэбля — вінтажная
Апошнім часам развялося шмат паляўнічых на старую савецкую мэблю, якую на барахолках перакупы прадаюць за немалыя сумы. А яшчэ хапае ахвотных прыкупіць кватэру ў гістарычным доме, ды яшчэ і з духам таго часу. Усе гэтыя параметры сышліся ў адной двухпакаёўцы на плошчы Перамогі з відам на манумент. Колькі ж яна каштуе, піша realt.by.
У сталінцы на праспекце Незалежнасці, 40 прадаецца кватэра на апошнім пятым паверсе. Будынак быў узведзены ў 1948 годзе. Двухпакаёўка займае 46,32 м². Кухня — 6,1 квадратнага метра. Столі — 3,2 метра.
У кватэры два жылыя пакоі. Кухня знаходзіцца паміж імі. Вокны ўсюды выходзяць проста на помнік. Сцены кухні і ваннага пакоя часткова абліцаваны старой савецкай пліткай. На падлозе — дошкі. Санвузел паасобны, ёсць балкон.
Мэбля ў кватэры савецкая, ёсць і вінтажныя варыянты 50—70-х гадоў.
У гэтым доме знаходзіцца рэстаран «Бярозка». Да метро ўсяго хвіліна хады.
Кватэра каштуе 90 тысяч даляраў. Квадратны метр — 1943 даляры.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары
обожаю монументы. они напоминают фаллос