Германія дазволіла Польшчы перадаць пяць самалётаў-знішчальнікаў Украіне
Урад Германіі афіцыйна пацвердзіў, што даў Польшчы дазвол перадаць Украіне пяць знішчальнікаў МіГ-29, якія калісьці належалі арміі ГДР.
«Рады аб'явіць, што мы дазволілі нашым польскім партнёрам паставіць пяць МіГ-29 з былых запасаў арміі ГДР. Мы атрымалі запыт толькі сёння. Я вітаю той факт, што федэральны ўрад сумесна прыняў гэтае рашэнне. Гэта паказвае, што на Германію можна спадзявацца», — цытуе прэс-служба ўрада Германіі міністра абароны Борыса Пісторыуса.
Пра тое, што Польшча папрасіла ў Германіі дазвол перадаць самалёты, паведамлялася ў чацвер у пачатку дня. Гэтыя самалёты належалі арміі ГДР, затым Германія перадала іх Польшчы і, як краіна паходжання гэтай вайсковай тэхнікі, павінна была даць згоду на яе рээкспарт.
У сакавіку Польшча ўжо перадала Украіне чатыры МіГі, а прэзідэнт гэтай краіны Анджэй Дуда абвясціў, што неўзабаве будзе перададзена яшчэ некалькі самалётаў. Тады ж, у сакавіку, другой краінай НАТА, якая афіцыйна перадала Украіне баявыя самалёты, стала Славакія, якая абвясціла аб перадачы ўсіх 13 сваіх МіГ-29.
Двайнікі вядомых беларусаў. І не кажыце, што не задумваліся пра іх падабенства10
Каментары