Уладальніку транспартнага сродку раней ужо выпісвалі штрафы за тыя ж парушэнні, але яны дагэтуль не аплачаныя. Гаворка ідзе пра суму больш за 8,5 тысячы рублёў.
Пасля рэзананснага ДТЗ у Смалявічах работнікі Транспартнай інспекцыі вызначылі маршруты рухаў з высокай ступенню грамадскай небяспекі. У поле зроку інспектараў трапілі такія напрамкі як Брэст — Баранавічы, Мінск — Магілёў, Мазыр — Мінск, Полацк — Мінск, Гродна — Мінск і Мінск — Слуцк, піша «Спутнік».
13 красавіка, у сталіцы за ажыццяўленнем кіроўцам незаконнай дзейнасці па перавозцы пасажыраў быў канфіскаваны першы транспартны сродак.
Мікрааўтобус, які канфіскавалі прадстаўнікі Транспартнай інспекцыі, выконваў рэйс па маршруце Быхаў — Магілёў — Мінск.
Уладальнік транспартнага сродку займаўся незаконнай прадпрымальніцкай дзейнасцю, ажыццяўляючы рэгулярныя перавозкі пад выглядам нерэгулярных — без належных дакументаў на маршрут.
«Устаноўлена, што аўтамабіль 2020 года выпуску і набыты ў лізінг. На суб'ект гаспадарання, які выкарыстаў гэтую машыну, ужо накладзена штрафных санкцый на значную суму. Было выпісана тры штрафы, агулам гэта 230 базавых велічынь. Штрафы дагэтуль не аплачаныя», — распавёў першы намеснік начальніка Транспартнай інспекцыі Міністэрства транспарту і камунікацый Юрый Касцюк.
Ён таксама распавёў, што маршрутку спынілі ў Мінску, калі яна ехала з Магілёва. Інспектары апыталі некалькіх відавочцаў, таксама ў машыне для ажыццяўлення праверкі ехалі работнікі Транспартнай інспекцыі. Пасля гэтага ўсіх пасажыраў перасадзілі ў іншы аўтобус, прадстаўлены Мінгарвыканкамам, каб тыя маглі працягнуць рух.
Мікрааўтобус будзе знаходзіцца на штрафстаянцы да рашэння суда. Гэта першы выпадак, калі ў краіне праводзяць канфіскацыю транспартнага сродку за ажыццяўленне кіроўцам незаконнай дзейнасці па перавозцы пасажыраў.
Акрамя гэтага, інспектары праверылі і іншыя праблемныя маршруты.
«Па тых кампаніях, хто займаўся незаконнай прадпрымальніцкай дзейнасцю, складзеныя матэрыялы і адпраўленыя ў суд. Па іх ужо ёсць канкрэтныя рашэнні. Мы гатовыя распачаць такія ж меры ў дачыненні да тых, хто не адрэагуе на судовыя рашэнні», — сказаў на заканчэнне Юрый Касцюк.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары