Беларусы ляцелі ў Варшаву і неспадзявана прызямліліся ў Мінску. Спачатку спалохаліся, а пасля выдыхнулі
У аэрапорце «Модлін» пад Варшавай праходзяць здымкі фільма пра Беларусь. Чытач выдання Most Аляксей расказаў, як польскі аэрапорт часова стаў мінскім, і гэтым здзівіў пасажыраў.
«Не ведаю, хто здымае гэты фільм, не ўдакладнілі на пляцоўцы. Аўтобусы стаялі сінія на мінскіх нумарах, таксі 7220, жанчыны ў футрах як з Савецкага Саюза. Мы падышлі і спыталіся, што адбываецца, а аператар-паляк сказаў, што Пуцін пайшоў яшчэ далей, і пасмяяўся», — распавёў Most Аляксей.
Беларус адзначае, што ў «Модліне» ўдалося даволі падобна ўзнавіць мінскі аэрапорт, і некаторыя пасажыры на час адчулі сябе ў Беларусі.
«Ляцелі ў Варшаву, а апынуліся ў Мінску. Толькі выйшлі з аэрапорта і бачым герб, пераглядаемся ўсе паміж сабой і ў непаразуменні: «Дзе мы знаходзімся…»
На некалькі секунд я рэальна падумаў, што мы ў Мінску. І сябар кажа сур'ёзным голасам: «А што, ты не чуў, як аб'яўлялі, што самалёт у Менску садзіцца?». Гэта яшчэ ўдвая больш мяне спалохала», — сказаў Аляксей.
Які фільм здымаюць у аэрапорце «Модлін», Most дакладна высветліць не змог. У прэс-службе аэрапорта распавялі, што яны не маюць інфармацыі пра здымкі.
Але цалкам верагодна, што «Мінск» у варшаўскім аэрапорце — гэта здымкі фільма Агнешкі Холанд пра мігрантаў на беларуска-польскай мяжы. Карціна будзе расказваць пра крызіс на мяжы Польшчы і Беларусі. Галоўнымі героямі стануць мігранты з Сірыі і Афганістана, жыхары Падляшша, а таксама супрацоўнікі памежнай службы. Дэталі фільма трымаюцца ў сакрэце.
Для Рамана Пратасевіча пракурорка запрасіла 10 гадоў калоніі ўзмоцненага рэжыму
Прапагандысты спыталі ў Пратасевіча, ці вярнуўся б ён у Беларусь, «калі б цяпер быў беглым за мяжой»
«Ахова здароўя ў Беларусі бясплатная». Пратасевіч аспрэчвае ў судзе памер шкоды і тое, што быў кіраўніком экстрэмісцкіх арганізацый
Цяпер чытаюць
Бабарыка тры хвіліны адказваў на пытанне, чый Крым. Так і не адказаў150
Каментары
Прям битва пры Аустрэцрлийцы)))
Инагда паглядиш на гэта и быццам ты и не выязджау😁
Можна. И минскам не падписвать