У Оршы і Талачыне працягваюць судзіць за распаўсюд «экстрэмісцкіх» матэрыялаў
Праваабаронцы атрымалі новую інфармацыю пра палітычна матываваныя суды, якія адбываліся апошнім часам у райцэнтрах Віцебшчыны.
У Аршанскім судзе чарговы адміністрацыйны працэс адбыўся 7 красавіка. Аршанец, паводле версіі абвінавачання, быў у іншым горадзе і ў інстаграме апублікаваў матэрыял сайта Zerkalo. У выніку мужчыну абвінавацілі ў распаўсюдзе «экстрэмісцкай» інфармацыі і асудзілі на 25 базавых велічынь.
Тое ж самае абвінавачванне выставілі жыхарцы Талачына, якая яшчэ ў 2020 годзе перапосціла з «экстрэмісцкага» чата інфармацыю ў тэлеграм. Талачынскі суд пакараў жанчыну 7 суткамі арышту.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю3
Каментары