Рэжым маўчання: ад Сяргея Ціханоўскага тры тыдні няма ніякіх навін
Падчас Канферэнцыі беларусаў свету, якая ў гэтыя дні праходзіць у Вільні, Святлана Ціханоўская расказала «Нашай Ніве», што адвакат не можа трапіць да яе мужа.
«У Сяргея было два адвакаты на выпадак, калі аднаго з іх пазбавяць ліцэнзіі. Новы адвакат не можа да яго патрапіць, няма доступу да яго. Спрабуем цяпер нешта з гэтым зрабіць. Адвакат ездзіў да яго, казаў, што нібыта няма ад Сяргея запыту. Гэта такая іх звычайная схема.
Апошнія тры тыдні ўвогуле няма ніякіх навін ад Сяргея. Што адбываецца, пакуль не ведаю, у ШІЗА ён ці не.
Таксама не можам пакласці грошы на рахунак Сяргея, не прымаюць, бо ён у спісе (асобаў, «датычных да тэрарыстычнай дзейнасці». — НН). Я даведвалася, ці даходзяць грошы іншым людзям, якія ў гэтым спісе, камусьці так, некаторым — не. Такая сітуацыя ствараецца метанакіравана, каб Сяргей не мог сабе нешта набыць.
Дачка піша яму лісты, кладзём у канверт чыстыя, каб яму было на чым пісаць. Спадзяюся, што да канца гэтага месяца адвакат зможа да яго трапіць», — расказала Святлана Ціханоўская.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары