Улады Індыі гэта назвалі стандартнай з'явай.
У індыйскім штаце Раджастан хуткасны цягнік выпадкова збіў карову, якая ад удару рэзка адляцела ў бок мужчыны, які знаходзіўся побач, і забіла яго. Пра гэты выпадак расказала выданне India Today.
Загінулым аказаўся мясцовы пенсіянер, які сам у мінулым адпрацаваў шмат гадоў на чыгунцы. Як адзначае выданне, у момант прылёту каровы мужчына спраўляў патрэбу каля рэек.
«Па словах сваякоў загінулага, на шляху хуткаснага цягніка стала карова. Удар ад сутыкнення быў такі, што карова адляцела на 30 метраў на мужчыну, які ў той момант спраўляў патрэбу каля рэек. Той загінуў на месцы», — напісала выданне India Today.
Мясцовыя ўлады штата ў сваю чаргу падкрэслілі, што такія здарэнні не ўнікальныя, бо ў рэгіёне каровы рэгулярна трапляюць на чыгуначныя шляхі і магчымасць сутыкнення з імі нават улічваецца пры вытворчасці цягнікоў.
Аднак пры гэтым улады дадалі, што збіраюцца паступова ставіць металічныя агароджы ўздоўж чыгуначных шляхоў, каб прадухіляць падобныя няшчасныя выпадкі і з жывёламі, і з людзьмі.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары