Інцыдэнт здарыўся днём, калі вакол было нямала людзей.
Жонка былога лідара ліквідаванай арганізацыі па абароне правоў прадпрымальнікаў убачыла незнаёмца ў доме, калі ён корпаўся ў рэчах. Яна выклікала міліцыю, але затрымаць злачынцу не ўдалося.
«Гэта адбылося пару дзён таму на нашым лецішчы, — распавёў у сябе ў інстаграме Анатоль Шумчанка, піша «Народная Воля». — Мы з жонкай і яе сяброўкай сядзелі на траве ззаду дома. Жонка сказала, што пойдзе ў дом па нож і вяроўку, каб падвязаць кусты, а мяне папрасіла ўзяць рыдлёўку і перакапаць градку.
Я пайшоў па рыдлёўку, і тут чую з хаты голас жонкі: «Толік, Толік!». Падумаў, што прыспешвае мяне.
І тут перада мной з хаты выбягае незнаёмы мужчына. Я імгненна рэфлектыўна кінуўся за ім. Гэта быў злодзей!
На жаль, я быў у сланцах, якія моцна слізгалі, а злодзей на ровары: нага паехала, і паваліўся.
Злодзей з'ехаў на ровары, аж дым курэў: яшчэ б, жонка, зайшоўшы ў дом, сустрэла яго з вяроўкай і нажом у руках, а тут я яшчэ іду па ўчастку з рыдлёўкай…
Але, калі сур'ёзна, жонка вельмі спалохалася: уяўляеце, сярод белага дня, заходзіце ў дом, а ў зале стаіць незнаёмец і корпаецца па рэчах.
Жонка пачала пытацца, што ён робіць, а ён у адказ: «Па запалкі прыйшоў!»
Самае цікавае, што перад тым, як пракрасціся, ён стаяў каля плота і назіраў, каб выбраць лепшы момант для свайго злачынства…
Нічога не паспеў скрасці, дзякуй богу.
Я адразу выклікаў міліцыю, мы далі паказанні. Зразумела, што будзе складана знайсці злодзея, але ў падобных выпадках заўсёды трэба звяртацца ў міліцыю.
Асадак пасля гэтай гісторыі, вядома, застаўся: каб так нахабна, калі ўсюды шмат людзей, пайсці на злачынства і пракрасціся ў чужую хату…
Дарэчы, фармальна, ён жа нічога не паспеў скрасці, на гэта і паказалі ў міліцыі, нават па тэлефоне выказалі здагадку: маўляў, можа, зайшоў у дом спытаць нешта ці папрасіць, а мы тут шум паднялі.
Аднак такога роду бестурботнасць і фармальнасць можа каштаваць дорага, аж да жыцця, бо не апынуўся б у руках жонкі ў бытавых мэтах кухонны нож, невядома, як бы ўсё скончылася…
Адным словам, будзьце асцярожныя і пільныя!» — заключыў Анатоль Шумчанка.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары