Літовец у адзіночку на лодцы перасёк Атлантыку. Падарожжа доўжылася 120 дзён
Падарожнік Аўрымас Валуявічус за 120 дзён у адзіночку на лодцы «Літуаніка» пераадолеў Атлантычны акіян і выйшаў на зямлю ў Маямі. «Добра, я пачуваюся добра. Стаміўся, сілы скончыліся, але так бывае заўсёды. Аднаўляеш сілы і ідзеш далей. Усё добра», — сказаў Валуявічус журналістам.
Аўрымаса ў Маямі некалькі гадзін чакала група літоўцаў, сярод іх і блізкія падарожніка — бацька, брат і дзядуля. Іх крыкі ён чуў, калі быў за некалькі міляў ад берага.
«Было дзіўна і прыемна чуць іх галасы», — сказаў Аўрымас. Літоўцы, якія сустракалі Аўрымаса, трымалі той жа сцяг, з якім у снежні праводзілі яго ў дарогу, на ім было напісана «Аўрымас, поспеху ў Атлантычным акіяне!».
Аўрымас паставіў перад сабой мэту — перасячы Атлантычны акіян з кантынента на кантынент на аднамеснай вёсельнай лодцы, каб адзначыць 90-годдзе палёту Стасіса Гірэнаса і Сцяпонаса Даруса (у 1933 годзе ляцелі на самалёце «Літуаніка» з Нью-Ёрка ў Каўнас, але разбіліся ў Нямеччыне), зафіксаваць літоўскі і пабіць сусветны рэкорд. Зрабіўшы гэта, падарожнік стаў часткай гісторыі — першым літоўцам і трэцім чалавекам у свеце, які пераадолеў такі шлях.
Валуявічуса павіншаваў прэзідэнт Гітанас Наўседа.
-
Вучыч прывёў у прыклад беларускую роўнасць рэгіёнаў і паставіў Барысаў у адзін шэраг з Мінскам
-
Украіна створыць Нацыянальны пантэон у Кіева-Пячэрскай лаўры. Чым ён будзе адрознівацца ад афіцыёзнага пантэона ў Беларусі?
-
У Тэгеране праходзіць развітанне з Алі Хаменеі: Мядзведзеў пагражае блакадай праліваў, а новы лідар Ірана хаваецца ў бункеры
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі7
Каментары