Ціханоўская: Патрабуем публічна прадэманстраваць, у якім стане Віктар Бабарыка
Святлана Ціханоўская выступіла з заявай наконт стану Віктара Бабарыкі. Прычынай сталі чуткі пра тое, што былы кіраўнік Белгазпрамбанка і ўдзельнік выбарчай кампаніі трапіў у бальніцу.
«Мы патрабуем публічна прадэманстраваць у якім ён [Бабарыка] стане. Мы патрабуем допуску адвакатаў і сваякоў да яго.
Любыя іншыя дзеянні будуць трактавацца як наўмыснае прычыненне шкоды жыццю і здароўю», — напісала Ціханоўская ў сваім тэлеграм-канале.
Віктар Бабарыка цяпер у наваполацкай калоніі. Ён быў затрыманы 18 чэрвеня 2020 года. У ліпені 2021 года яму прысудзілі 14 год калоніі — па артыкулах 235 (легалізацыя сродкаў, атрыманых злачынным шляхам) і 430 (атрыманне хабару).
З аповедаў іншых палітвязняў вядома, што з Бабарыкам ім забараняюць камунікаваць. Працаваць яго паставілі на выпальванне драўнянага вугалю. Гэта праца лічыцца адной з самых цяжкіх у калоніі.
З 9 лютага пра яго няма інфармацыі.
Нядаўна ў наваполацкай калоніі змяніўся кіраўнік.
Віктара Бабарыку паставілі на прафулік у калоніі за нарэзку сала
У Віктара Бабарыкі — новая праца ў калоніі
Блогер Кабанаў, які сядзеў у наваполацкай калоніі, пра тое, чаму вязні не вытрымліваюць умоў там
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары