Усе неабходныя меры для абароны паўднёвых межаў Беларусі ўжо прынятыя. Пра гэта журналістам заявіў намеснік старшыні Дзяржаўнага памежнага камітэта Ігар Печань, піша БелТА.
«Абстаноўка складаная, але кіраваная. Нашы падраздзяленні забяспечаныя ўсім неабходным. Задачы, якія вызначаныя кіраўніком дзяржавы і старшынёй Дзяржпагранкамітэта, выконваюцца. Мы ўпэўненыя, што наша дзяржаўная мяжа пад надзейнай аховай. І мы зробім усё неабходнае, каб яе абараніць. Усе меры бяспекі намі ўжо прынятыя. Вядома, ідзе далейшае ўдасканаленне і аснашчэнне вайскоўцаў.
Мы таксама плануем павелічэнне колькасці некаторых падраздзяленняў, закупку новага ўзбраення. Але гэта планавая праца, якая вялася ў мінулым годзе, вядзецца ў гэтым і будзе весціся ў перспектыве», — пракаментаваў абстаноўку на паўднёвых межах намеснік старшыні Дзяржпагранкамітэта.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары