Лукашэнка прыехаў на поле на паліраваным ГАЗіку ў суправаджэнні ахоўніка з аўтаматам
Лукашэнка сёння паехаў агледзець сваё поле, на якім у гэтым годзе высадзілі лубін і гарох. Яго прэс-служба паказала сюжэт, у якім ён ходзіць па полі, разглядае кволыя парасткі і гаворыць розныя банальныя словы. Але насамрэч, цікавае ў сюжэце, названым «інспекцыяй без гальштукаў, дакладаў і справаздач», не гэта.
У канцы невялікага роліка Лукашэнка каля палявой дарогі зняты ў суправаджэнні вернага Сяргея Цяцерына, які спрабуе таксама ўставіць нейкія словы ў Лукашэнкаў маналог, хоць гэта яму слаба ўдаецца.
«Газік», на якім Лукашэнка з Цяцерыным туды прыехалі, аж блішчыць, на ім ні пылінкі. А за «газікам» стаіць мужчына, узброены аўтаматам — мяркуючы з усяго, ахоўнік.
Такім чынам, на 29-м годзе кіравання чалавек, які сябе калісьці лічыў «народным прэзідэнтам», баіцца паехаць без узброенага аўтаматам ахоўніка нават паглядзець, як узышоў лубін на полі.
«Кубло такое». З перапісак Кабанчука робіцца ясна, чаму Верамейчыка палічылі небяспекай і забаранілі яму ўезд ва Украіну34
Каментары