Стрыечнага брата прадстаўніка штаба палка Каліноўскага Сяргея Франчука будуць судзіць другі раз запар
У Мінскім гарадскім судзе 28 красавіка Франчука асудзілі на тры гады калоніі ва ўмовах агульнага рэжыму. Зараз будзе новы суд.
У Мінскім гарадскім судзе 28 красавіка Франчука асудзілі на тры гады калоніі ва ўмовах агульнага рэжыму. Яго абвінавацілі ў абразе Лукашэнкі (ч. 1 арт. 368 КК), абразе прадстаўніка ўлады (арт. 369 КК), распальванні варожасці (ч. 1 арт. 130 КК), а таксама ў арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх (ч. 1 арт. 342 КК).
Стала вядома, што ўжо 13 мая ў судзе Бабруйскага раёна і горада Бабруйска адбудзецца разгляд крымінальнай справы супраць Франчука паводле арт. 368 КК (абраза Лукашэнкі). Працэс будзе весці суддзя Вольга Серакова, піша «Вясна».
Сяргей — стрыечны брат прадстаўніка штаба палка Каліноўскага Вадзіма Кабанчука.
Падтрымайце Сяргея: СІЗА-1, 220030, Мінск, Валадарскага, 2, Сяргей Віктаравіч Франчук.
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары