Беспілотнікі, якія атакавалі Крэмль, заўважылі задоўга да падлёту да Масквы, але не зрэагавалі «з-за майскіх святаў» — СМІ
Беспілотнікі, якія атакавалі Крэмль, заўважылі задоўга да падлёту да Масквы, але не зрэагавалі «з-за майскіх святаў». Гэта сцвярджае тэлеграм-канал Baza са спасылкай на свае крыніцы.
Дроны, якія ляцелі на звышнізкай вышыні, як паведамляецца, заўважылі ў Падмаскоўі мясцовыя жыхары. Але экстранныя службы рэгіёна «не адпрацавалі заяўкі належным чынам».
Пасля таго, як беспілотнікі апынуліся ўнутры Маскоўскай кальцавой, сілавікі сталі паведамляць пра гэта свайму начальству — аднак «з-за позняга часу і майскіх святаў належнай маментальнай рэакцыі не было». Дзякуючы гэтаму, дронам удалося даляцець да Крамля і атакаваць яго.
Ноччу 3 мая, паводле расійскага боку, украінцы атакавалі Крэмль двума беспілотнікамі. У выніку падзення і разлёту аскепкаў ніхто не пацярпеў.
Крэмль назваў атаку тэрактам і замахам на Пуціна. Украінскі бок адмаўляе сваю датычнасць да здарэння.
Пакуль няясна, сапраўды гэта была атака беспілотнікаў на Крэмль, ці імітацыя нападу, інсцэніраваная расійскімі спецслужбамі для апраўдання ўдараў па гарадах Украіны.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»36
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары