Акцёр Роберт Дэ Ніра стаў бацькам сёмы раз. Ён паправіў журналіста выдання ET Canada, які падчас інтэрв'ю сказаў, што ў артыста шасцёра дзяцей.
«Наогул кажучы, сямёра. Зусім нядаўна ў мяне нарадзілася дзіця», — удакладніў Дэ Ніра.
Інфармацыю пра сёмае дзіця пацвердзіў афіцыйны прадстаўнік акцёра. Аднак пол і імя малога пакуль не называюцца, як і імя яго маці.
«Я ў парадку, — сказаў Дэ Ніра. — Вы ведаеце, мае дзеці часам не згаджаюцца са мной, але яны ставяцца да мяне з павагай. Мая дачка, ёй 11 гадоў, часам засмучае мяне, і я з ёй спрачаюся. Я люблю яе, але ведаеце. І цяпер мой самы малодшы, гэта яшчэ не ўсё. Але так яно і ёсць».
Дэ Ніра быў жанаты двойчы. У яго двое агульных дзяцей — 51-гадовая Дрэна і 46-гадовы Рафаэль — ад яго першай жонкі Дзіяны Эбат і двое дзяцей — 25-гадовы Эліёт і 11-гадовая Хелен — ад былой жонкі Грэйс Хайтаўэр. Ён таксама бацька сыноў-блізнят Аарона і Джуліяна, якім 27 гадоў, ад былой сяброўкі Тукі Сміт.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм14
Каментары