Прэс-сакратару Крамля Дзмітрыю Пяскову задалі пытанне пра стан здароўя Аляксандра Лукашэнкі, які не паказваецца на публіцы ўжо шосты дзень — з 9 мая.
Пяскоў адказаў, што «ніякіх афіцыйных звестак з Мінска не было, а арыентавацца трэба на іх».
Пра стан здароўя Лукашэнкі яго прэс-служба не гаворыць ні слова.
З’яўленні Аляксандра Лукашэнкі на публіцы ад пачатку мая былі рэдкімі, а на парадзе ў Маскве 9 мая ён не змог прайсці з іншымі кіраўнікамі дзяржаў некалькі соцень метраў ад трыбуны да Аляксандраўскага сада, яго везлі электрамабілем.
Пасля гэтага ўвечары ён першы раз за час свайго кіравання не змог прачытаць прамову на ўскладанні кветак на плошчы Перамогі, за яго гэта зрабіў міністр абароны Віктар Хрэнін.
А ўчора не з’явіўся на ўрачыстасцях Дня сцяга, герба і гімна. Зварот Аляксандра Лукашэнкі «з нагоды святкавання Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь» зачытаў Раман Галоўчанка.
Першы намеснік кіраўніка Камітэта расійскай Дзярждумы па справах СНД Канстанцін Затулін сказаў, што ў Лукашэнкі нічога такога звышнатуральнага няма, гэта не кавід. Проста чалавек захварэў».
Кіраўнік НАУ і прадстаўнік Аб'яднанага пераходнага кабінета Павел Латушка заявіў, што, па звестках Народнага антыкрызіснага ўпраўлення, у Лукашэнкі можа быць інфекцыйна-алергічны міякардыт. Інфекцыйна-алергічны міякардыт — гэта запаленне сардэчнай мышцы, якое выклікаецца рознымі інфекцыямі (напрыклад, грыпам).
-
Вальфовіч пракаментаваў заявы СВР і папрасіў Еўропу не дыктаваць Беларусі, як жыць
-
Дзясяткі гадоў экспедыцый у адным ютуб-канале. У Беларусі прэзентавалі відэархіў Міколы Козенкі з народнымі танцамі і абрадамі
-
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары