Міланскі «Інтэр» перамог «Мілан» у другім паўфінальным матчы з лікам 1:0 і выйшаў у фінал футбольнай Лігі чэмпіёнаў.
Адзіны гол у сустрэчы забіў аргенцінскі форвард «нерадзуры», чэмпіён свету Лаўтара Марцінес (на 74-й хвіліне).
Першы матч тыдзень таму скончыўся перамогай «Інтэра» 2:0.
Супернік «Інтэра» вызначыцца ў сераду вечарам, калі ў Манчэстэры згуляюць «Манчэстэр Сіці» і «Рэал» (першы матч — 1:1).
Фінал ЛЧ пройдзе 10 чэрвеня (субота) у Стамбуле.
«Інтэр» тройчы выйграваў Лігу чэмпіёнаў (апошні раз у 2010-м),
«Рэал» — 14 разоў (прычым у ХХІ стагоддзі 6 разоў, у тым ліку год таму),
«Манчэстэр Сіці» ні разу, прычым гуляў у фінале толькі раз: у 2021 годзе, калі саступіў «Чэлсі» (0:1).
«Мілан» перамагаў у Лізе чэмпіёнаў сем разоў, але гэта ўжо не істотна.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна5
Каментары