Лукашэнка назваў дэзынфармацыяй заявы аб украінскім контрнаступленні
Аляксандр Лукашэнка лічыць дэзынфармацыяй і вар'яцтвам контрнаступ украінскай арміі. Пра гэта ён заявіў на пасяджэнні Рады Парламенцкай асамблеі АДКБ.
«У любым баі дэзынфармацыя вельмі небяспечная. Згадайце Курскую бітву, пад Сталінградам, калі мы паспяхова дэзынфармавалі саперніка і выйгралі гэтую бітву», — сказаў ён.
«Але, павінен сказаць, самая вялікая дэзынфармацыя — гэты контрнаступ.
Ніякага контрнаступу, з майго пункту гледжання, няма і быць не можа. Гэта проста вар'яцтва. Адзін да пяці на фронце ваяваць па тэхніцы і жывой сіле — гэта проста вар'яцтва! Не, трэба нагнятаць, трэба накручваць украінцаў для таго, каб працягваць і ўтапіць нас у гэтым супрацьстаянні.
У гэтым сёння сутнасць на фронце. Мы гэта бачым. Гэта ў нас за плотам проста», — заявіў Лукашэнка.
Акрамя таго, Лукашэнка загаварыў пра нейкі новы варыянт перамоў.
«Перш чым вінаваціць нас у канфрантацыі, пашырэнні гэтага канфлікту, трэба вярнуцца за стол перамоваў.
Узяць не той дакумент (які выпрацоўваўся на пачатковым этапе ў ходзе праведзеных некалькіх раўндаў расійска-ўкраінскіх перамоваў. — Прым. БЕЛТА) — новы. Каб спыніць вайну», — прыводзяць яго словы дзяржСМІ.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся23
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
Теперь он мстит за то что его так опустили
Это же просто позорище