Заўзятары аддалі даніну павагі легендзе футбола.
Пазалочаная труна з целам Пеле ўстаноўлена ў спецыяльным маўзалеі на тэрыторыі абранага ім самім для пахавання мемарыяла «Сусветны некропаль». Гэта 32-павярховы будынак, які ўваходзіць у Кнігу рэкордаў Гінеса як самыя высокія могілкі ў свеце.
Трохразовы ўладальнік Кубка свету памёр 29 снежня ва ўзросце 82 гадоў пасля барацьбы з ракам тоўстай кішкі.
І праз пяць месяцаў пасля пахавання Пеле прыхільнікі могуць наведаць яго труну ў Сантасе — горадзе, які ён прадстаўляў у 1956—1974 гадах.
Дзве залатыя статуі Пеле ў натуральную велічыню вітаюць наведвальнікаў каля дзвярэй, дзе яны стаяць побач са сцягамі Бразіліі і Сантаса, піша Talksport.
Унутры заўзятары могуць уявіць, што яны выходзяць на футбольнае поле, тут на падлозе высцелена штучная трава.
Залатая труна выстаўлена пасярод пакоя плошчай 200 квадратных метраў, на сценах развешаны выявы фанатаў, а на заднім плане гучыць фанаграма апладысментаў.
Таксама дэманструюцца памятныя моманты з кар'еры Пеле, у тым ліку яго 1000-ы гол і яго фірмовае святкаванне з паднятым кулаком.
Сын Пеле, Эдзіньё, які прысутнічаў на цырымоніі адкрыцця, сказаў: «Гэта было зроблена з вялікай любоўю людзьмі, якія ведалі яго і жылі з ім».
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі32
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары