Крышціяну Раналду можа датэрмінова пакінуць Саудаўскую Аравію і вярнуцца ў Еўропу
Крышціяну Раналду больш не можа трываць і хоча пакінуць «Аль-Наср» у Саудаўскай Аравіі. Не прайшло і пяці месяцаў з таго часу, як ён перайшоў у саудаўскі клуб з кантрактам на два з паловай сезоны і з гістарычным кантрактам на 200 мільёнаў еўра за кожную з кампаній.
Але за гэты час партугалец пабачыў рэальнасць саудаўскага клуба і асабліва сітуацыю, якая склалася ў краіне, дзе футбольная інфраструктура далёкая ад сучаснай. Такім чынам, яго найбліжэйшае асяроддзе пачынае публічна заяўляць пра гэтую сітуацыю з мэтай мець магчымасць з'ехаць і вярнуцца ў Еўропу ці шукаць іншыя рынкі, піша Mundo Deportivo.
Гулец перайшоў у «Аль-Наср» у снежні 2022 года. «Манчэстэр Юнайтэд» разарваў з ім кантракт пасля таго, як Крышціяну ў інтэрв'ю прайшоўся па трэнерскім штабе.
За «Аль-Наср» партугалец згуляў 17 матчаў (1400 хвілін): чатырнаццаць з іх у Лізе, два ў Кубку караля Саудаўскай Аравіі і адзін у Суперкубку. Забіў трынаццаць галоў.
Калі Крышціяну Раналду вырашыць сысці без уважлівай прычыны, ён павінен будзе выплаціць клубу кампенсацыю за два гады, якія засталіся да заканчэння яго кантракта, у адпаведнасці з рэгламентам ФІФА аб статусе трансферу гульцоў. У прыватнасці, артыкул 17, які тычыцца скасавання дагавора без паважлівай прычыны, у якім выразна паказана, што «ва ўсіх выпадках бок, які скасоўвае дагавор, абавязаны выплаціць кампенсацыю».
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта10
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары