Усяго патроху88

«Чайкі і спайс — не вельмі добрае спалучэнне». У Вялікабрытаніі птушкі пачалі красці спайс і абкуранымі нападаць на людзей

Чайкі, якія выхопліваюць ежу з рук няўважлівых людзей, ужо даўно сталі чымсьці звычайным. Аднак цяпер птушкі выйшлі на абсалютна новы ўзровень.

Фота: pixabay

У Вялікабрытаніі чайкі сталі красці спайс у спажыўцоў наркотыкаў і проста з'язджаць з глузду: птушкі ў такім стане ўжо пачалі нападаць на звычайных людзей. Пра гэта 20 мая напісала выданне Daily Star са спасылкай на відавочцаў і пацярпелых.

Некаторыя з іх распавялі, што чайкі вырываюць спайс проста з рук, з’ядаюць яго, а потым, пад уплывам наркотыку, шалеюць. Людзі неаднаразова станавіліся відавочцамі таго, як чайкі аб’ядаліся наркатычнымі рэчывамі і пачыналі нападаць на людзей, пікіруючы на іх з вышыні і не адстаючы ад ахвяры роўна да таго моманту, пакуль самі проста не паваляцца на зямлю ад стомленасці.

Паводле інфармацыі выдання, такое стала адбывацца ў Лондане, Манчэстэры і многіх іншых пераважна прыбярэжных гарадах Вялікабрытаніі.

 «Чайкі і спайс — не вельмі добрае спалучэнне. Яны ператвараюцца ў сапраўдных абкураных псіхапатаў, ад якіх лепш ратавацца ў нейкіх зачыненых памяшканнях. Але і ў гэтым разе яны наўрад ці адстануць, пакуль самі не выдыхнуцца і не паваляцца на тратуар», — распавёў адзін з пацярпелых выданню Daily Star.

Спайс — гэта травяная сумесь для палення, насычаная сінтэтычнымі канабіёідамі. Гэты наркотык магутнейшы за марыхуану і можа выклікаць у чалавека неадэкватныя паводзіны, галюцынацыі, трэмар і іншыя негатыўныя наступствы. І калі спайс так моцна ўплывае на людзей, то што ўжо можна казаць пра невялікую чайку.

Дарэчы, гэта не адзіная навіна пра дзіўныя паводзіны чаек, якія па супадзенні адбываюцца якраз у Вялікабрытаніі. Нядаўна дзве брытанкі паскардзіліся ў медыя, што іх на працягу некалькіх месяцаў кожны дзень у адзін і той жа прамежак часу тэрарызуюць чайкі, люта спрабуючы ўварвацца ў іх дом. Мясцовыя ўлады ў адказ на гэта толькі разводзяць рукамі.

'Чытайце яшчэ:

За сорак гадоў папуляцыя птушак у Еўропе скарацілася на 60%

Зграя касатак патапіла ўжо некалькі яхтаў каля берагоў Еўропы і не збіраецца спыняцца

У Нідэрландах кот учыніў патоп у ратушы. Шкода ацэньваецца ў 20 тысяч еўра

Каментары8

  • mikola
    26.05.2023
    Spaisy skadlivy ne tolki dlja czalaveka !
  • Bhagawan
    26.05.2023
    Whats???
  • Gorliwy Litwin
    26.05.2023
    Дафна дзю Мар'е і Альфрэд Хічкок нешта ведалі!

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны41

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць