Грамадства

Кітай аддаў перавагу Туркменістану перад Расіяй у буйным трубаправодным праекце — СМІ

Кітай паскарае будаўніцтва даўно адкладзенага цэнтральнаазіяцкага трубаправода для паставак газу з Туркменістана, у той час як РФ прасоўвае свой уласны новы Сібірскі газаправод, паколькі Пекін жангліруе сваімі патрэбамі ў энергабяспецы і дыпламатычнымі прыярытэтамі.

Ашхабад. Фота: Alexander Vershinin / AP Photo

Пекін імкнецца ўмацаваць сувязі з Цэнтральнай Азіяй у рамках сваёй ініцыятывы «Адзін пояс, адзін шлях», але амаль праз дзесяць гадоў пасля пачатку будаўніцтва праект «лінія D» тармозіцца. Прычына — складаныя перамовы аб цане і тэхнічныя перашкоды ў пракладцы трубаправода, які перасякае яшчэ тры краіны Цэнтральнай Азіі. Пра гэта заявілі кітайскія нафтавыя чыноўнікі.

Але нядаўнія намаганні Масквы па будаўніцтве другога Сібірскага трубаправода з Кітаем, «Сіла Сібіры 2», каб кампенсаваць скарачэнне продажаў у Еўропе праз вайну ва Украіне, даюць Пекіну рычаг для прасоўвання цэнтральнаазіяцкіх, лічаць кітайскія чыноўнікі і галіновыя кансультанты.

«Цэнтральнаазіяцкія трубаправоды лічацца краевугольным каменем інвестыцый у энергетычную і геапалітычную прастору Кітая. Гэта канал забеспячэння, які мае стратэгічнае значэнне, што пераважае над камерцыйнымі інтарэсамі», — заявіў агенцтву Reuters кітайскі чыноўнік, знаёмы з глабальнай стратэгіяй Кітайскай нацыянальнай нафтавай карпарацыі (CNPC).

Кітай можа ў канчатковым выніку заключыць абедзве здзелкі, каб задаволіць свае велізарныя доўгатэрміновыя патрэбы ў газе, але прыярытэт аддаецца Туркменістану, як кажуць прадстаўнікі галіны.Пекін ужо даўно разглядае Цэнтральную Азію як платформу для пашырэння гандлю, забеспячэння энерганосьбітамі і падтрымання стабільнасці ў некалі неспакойным заходнім рэгіёне Сіньцзян.

Сукупныя шматгадовыя кантракты на пастаўку газу па абодвух трубаправодах на дзясяткі мільярдаў даляраў задаволяць 20% цяперашняга попыту Кітая. Газаправоды маюць ключавое значэнне для дасягнення мэты Пекіна — выкарыстання газу ў якасці прамежкавага паліва для дасягнення мэтаў вугляроднай нейтральнасці, а таксама для абароны ад нестабільнага рынку звадкаванага прыроднага газу (СПГ), які перавозіцца танкерамі.

Паводле ацэнак 2014 года, газаправод D, кошт якога складаў 6,7 мільярда даляраў, зможа транспартаваць 30 мільярдаў кубаметраў газу ў год.

Выступаючы на мінулым тыдні на першым саміце лідараў краін Цэнтральнай Азіі ў горадзе Сіянь, лідар КНР Сі Цзіньпін заклікаў бакі паскорыць пракладку лініі D, якая стане чацвёртым газаправодам Кітая ў рэгіён, амаль праз дзесяць гадоў пасля пачатку будаўніцтва ў Таджыкістане, паведамляе «Еўрапейская праўда».

Каментары

Цяпер чытаюць

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Усе навіны →
Усе навіны

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

больш чытаных навін
больш лайканых навін

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць