Грамадства66

Польшча ўвяла за Пачобута новыя санкцыі супраць беларускіх чыноўнікаў і сілавікоў

Польшча ўвяла санкцыі супраць 365 беларускіх чыноўнікаў, сілавікоў і супрацоўнікаў дзяржаўных медыя, адказных за палітычныя рэпрэсіі ў Беларусі. Пра гэта гаворыцца ў заяве МУС Польшчы ў сувязі з прысудам журналісту і польскаму актывісту Андрэю Пачобуту.

Польскія санкцыі

У новы санкцыйны спіс уключылі 159 дэпутатаў Нацыянальнага сходу. Але адмысловы іх адбор гэтым разам ніхто не рабіў. МУС Польшчы адзначыла, што астатнія дэпутаты, якіх няма ў пераліку цяпер, проста былі ўключаныя ў санкцыйныя спісы раней.

Акрамя таго, у спіс уключаныя 76 суддзяў, 7 пракурораў, 32 прадстаўнікі мясцовых адміністрацый, 28 службовых асоб і супрацоўнікаў праваахоўных структур.

У спіс таксама ўвайшлі прадстаўнікі дзяржаўных медыя, якія займаюцца прапагандысцкай дзейнасцю (23 чалавекі), спартсмены і спартыўныя актывісты (24 чалавекі), супрацоўнікі беларускіх офісаў, дзяржаўных устаноў і прадпрыемстваў (8 чалавек), людзі, якія працуюць у сферы культуры і навукі (8 чалавек).

Пад санкцыі патрапілі прадпрымальнікі, звязаныя з расійскім капіталам. Гэта 15 грамадзян Расіі і 1 беларус. Сярод 20 гаспадарчых суб'ектаў, якія трапілі пад санкцыі, 19 звязаныя з Расіяй і 1 — з Беларуссю.

«Гэтыя асобы прасоўвалі беларускі рэжым, а таксама ўдзельнічалі ў легітымацыі і падтрымцы рэпрэсіўнай палітыкі ўладаў у Мінску. Яны таксама нясуць адказнасць за палітычна матываваны прысуд у дачыненні да Андрэя Пачобута, вынесены на падставе лжывых абвінавачванняў», — гаворыцца ў заяве польскага МУС.

«Асобы, уключаныя ў спіс, таксама збіралі матэрыялы і вялі разгляды з прычыны ўдзелу беларусаў у дэмакратычных пратэстах. Асобы, уключаныя ў санкцыйны спіс, нясуць адказнасць за прымяненне фізічных і псіхалагічных катаванняў, збіванняў, запалохвання і дыскрымінацыі ў дачыненні да польскай меншасці. Асобы, уключаныя ў спіс, таксама былі датычныя да знішчэння польскіх могілак і помнікаў у Беларусі. Сярод тых, каго закранулі абмежаванні, былі асобы, адказныя за арганізацыю нелегальнай міграцыі ў Польшчу і краіны Балтыі», — таксама ўдакладняецца ў гэтай заяве.

Пра намер увесці новыя санкцыі польскі ўрад паведаміў 26 мая — адразу пасля таго, як Вярхоўны суд Беларусі разгледзеў апеляцыю на прысуд журналісту Андрэю Пачобуту і пакінуў яго ў сіле. У лютым Пачобута прысудзілі да 8 гадоў пазбаўлення волі.

Каментары6

  • даведка
    29.05.2023
    Им всем будут аннулированы карты поляка?
  • даведка
    29.05.2023
    Попавшие под санкции чинуши и силовики могут заказать кофе и туалетную бумагу у Базанова и Воскресенского.
  • Непісьменны
    29.05.2023
    І хто гэтыя 8 чалавек ад "навукі"?

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць