Эканоміка11

Крэдыты на жыллё сталі таннейшымі. Вось што цяпер прапануюць

Office Life разабраўся з прапановамі банкаў і зрабіў выснову: крэдыты на жыллё сталі больш даступнымі, але іх выбар па-ранейшаму невялікі.

Крэдыты на жыллё сталі таннейшымі. Колькі цяпер трэба аддаваць банку і якія ёсць варыянты

Крэдыты таннеюць. Гэта звязваюць са стабілізацыяй эканамічнай сітуацыі ў краіне, а таксама з мерамі, якія прадпрымае Нацбанк. З пачатку 2023 года стаўка рэфінансавання ў краіне зніжалася пяць разоў — з 12 да 9,75%.

Разліковая велічыня стандартнай рызыкі (РВСР), якая таксама ўплывае на кошт крэдытаў для фізічных асоб, за той жа перыяд паменшылася на 3,51 працэнтнага пункта — да 14,89%.

Калі параўнаць крэдыты (звычайныя і толькі для куплі гатовага жылля) з сітуацыяй у лютым, то можна зрабіць некалькі высноў.

Выснова першая — станоўчая: за чатыры месяцы крэдыты сталі таннейшымі ў сярэднім на 3%. Калі ў лютым банкі прапаноўвалі іх пад 16,9-17,5%, то цяпер пад 14,5-15%.

Выснова другая — таксама са знакам плюс: банкі сталі даваць кліентам больш грошай пры аналагічным штомесячным памеры даходаў. 

Выснова трэцяя: прапаноў на рынку па-ранейшаму замала. Па сутнасці, крэдыты для куплі жылля на другасным рынку без прывязкі да партнёрскіх праграмах, як і ў пачатку года, прапануюць толькі восем банкаў.

Крэдытныя праграмы на пакупку жылля на другасным рынку ёсць у Беларусбанку (цяперашняя стаўка 14,65%), Белаграпрамбанку (14,66%), Белінвестбанку (14,41%), Белгазпрамбанку (першыя паўгода 9,9%, пасля 15%), БТА Банку (14,5%), Тэхнабанку (14,5%), банку БелВЭБ (14,89%), Прыёрбанку (14,86%).

Грошай прапануюць больш, але ёсць нюансы

Маючы чысты штомесячны даход 3 тысячы рублёў (туды могуць уключацца таксама даходы блізкіх сваякоў), у чэрвені ў Беларусі пры куплі жылля на другасным рынку можна разлічваць на крэдыт ад 99,5 да 173,5 тысячы рублёў у большасці выпадкаў тэрмінам на 20 гадоў. Гэта значна больш, чым у лютым (81,7-148,3 тыс.).

Дыяпазон штомесячных плацяжоў пры гэтым вагаецца ад 1485 да 2600 рублёў. Але гэта «стартавыя» лічбы — у першы месяц плацяжоў. У далейшым пры дыферэнцыраванай сістэме разлікаў сумы будуць зніжацца.

Вядома, прыведзеныя вышэй максімальныя сумы крэдыту і памеры штомесячных плацяжоў носяць прыкладны характар, бо канчатковыя ўмовы банкі могуць вызначыць толькі пасля вывучэння ўсіх дакументаў. Гэтыя лічбы разлічваліся для кліентаў, не абцяжараных іншымі крэдытамі і з добрай крэдытнай гісторыяй.

Акрамя таго, варта ўлічваць узрост пазычальніка. Чым ён старэйшы — тым меншая сума крэдыту і карацейшы тэрмін. Так, калі маладому чалавеку да 30 гадоў, банк гатовы, напрыклад, даць 145 тысяч рублёў на 20 гадоў, але калі пазычальнік ва ўзросце 50+ — толькі 125 тысяч на 96 месяцаў.

Каментары1

  • Acab
    11.06.2023
    Глядзіце, як танкі бэсэсэраўскія гойсаюць на MMT

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

Пажар тушаць гукам. Як гэта магчыма?

Сабаленка пракаментавала, што яе нецэнзурныя словы адрасаваліся не Світолінай16

Сустрэча Пуціна, Сі Дзіньпіна і Трампа пройдзе 19 лістапада1

Стала вядома, дзе будзе знаходзіцца Офіс Ціханоўскай у Варшаве32

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць