Папугая навучылі гаварыць, і ён паскардзіўся на боль у жываце
Даследчыца Джэн Кунья навучыла свайго папугая размаўляць пры дапамозе «моўнай дошкі» — планшэта з выявамі розных прадметаў, на якія птушка можа націскаць языком.
Нядаўна Джэн дадала на дошку часткі цела. У той жа дзень яе папугай, выкарыстаўшы планшэт, сказаў «жывоцік, ой!» і працягваў паўтараць гэта некалькі тыдняў. З выгляду папугай не быў хворы, але жанчына вырашыла перастрахавацца і звярнулася ў ветэрынарную клініку.
Калі ветэрынар спытаў пра сімптомы, Джэн шчыра прызналася, што птушка «сказала», што ёй баліць жывот, праз адмысловы планшэт. У клініцы здзівіліся, але прапанавалі здаць базавыя аналізы. Як выявілася, птушка сапраўды захварэла. Цяпер папугай прымае антыбіётыкі.
Ад пачатку прыёму лекаў папугай ані разу не паскардзіўся на боль у жываце, зноў пачаў гуляць у свае любімыя гульні і нават можа сказаць пры дапамозе дошкі, што пачуваецца выдатна.
35 маладых беларусаў і беларусак, за якімі варта сачыць: апублікаваны першы спіс Next 3532
Каментары