«Нарэшце з'явілася магчымасць пісаць за сталом, а не на каленку». Палітвязень Гундар даслаў першы ліст
У пачатку чэрвеня асуджанага на 20 гадоў вязня этапавалі з карцара ў калонію.
Палітвязень Уладзімір Гундар даслаў з калоніі першы ліст.
Гродзенскі абласны суд 6 чэрвеня пакінуў прысуд палітвязню без змен — 20 гадоў калоніі. Ужо на наступны дзень адразу з карцара яго этапавалі ў калонію. Пры гэтым жонцы Гундара дазволілі спатканне, але яна не паспела трапіць на яго праз хуткі этап.
Дачка Гундара ў фэйсбуку напісала, што ад Уладзіміра прыйшоў першы ліст.
«Піша, што пачуваецца нармальна і ў яго пасля ўсіх гадоў несправядлівага зняволення з'явілася магчымасць пісаць за сталом, а не на каленку.
Вельмі знерваваўся, што нас пазбавілі законнага спаткання. І яшчэ адна непрыемная сітуацыя, што ў працэсе этапу страціў два сшыткі са сваімі складанкамі біблейскімі», — цытуюць ліст дачкі праваабаронцы.
Падтрымайце Уладзіміра: ПК № 2, 213800, Бабруйск, Сікорскага, 1, Уладзімір Тадэвушавіч Гундар (на канвертах трэба пісаць «каранцін»).
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам2
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары