У адным з тэлеграм-каналаў сілавікоў было змешчана відэа, на якім дзяўчына распавядае пра сваю «віну»: маўляў, карысталася на працы тэрмакубкам з выявай герба «Пагоня» і надпісам «Жыве Беларусь». Яе прызналі вінаватай у несанкцыянаваным пікетаванні і асудзілі да трох сутак арышту.
Месца працы дзяўчыны — Аршанскі льнокамбінат. Паводле яе паказанняў, кубак яна набыла ў краме і таму не лічыла, што ён можа быць прадметам правапарушэння. Разам з дзяўчынай у кабінеце працуюць 15 чалавек.
Адмыслова свой уласны посуд яна нікому не дэманстравала, але калегі маглі заўважыць, што на напоўненым гарачай вадкасцю кубку праступае выява «Пагоні» і лозунг «Жыве Беларусь».
Падобна на тое, што яе здаў нехта з калег: у адміністрацыйнай справе фігуруюць фотаздымкі, на якіх дзяўчына пазнала і сябе, і свой тэрмакубак.
Дзяўчыну пакаралі арыштам на трое сутак. А тэрмакубак суд пастанавіў знішчыць, піша «Віцебская вясна».
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары