Як паведамляе мясцовы тэлеканал «Буг-ТБ», павуціннем у абласным цэнтры ахутаны ўсе дрэвы алычы, некаторыя яблыні і вішні.
Эксперты гавораць, што Брэст у прыватнасці і ўвесь поўдзень Беларусі ў цэлым атакавала так званая «пладовая моль». Зрэшты, ёсць таксама сведчанні, што гэтую пошасць заўважалі і ў іншых беларускіх рэгіёнах.
Гэты від не завезены, а «айчынны». Ён прыцэльна атакуе костачкавыя пладовыя дрэвы. Прычына, чаму ён сёлета так распладзіўся, — рэкордна сухі май.
Дарэчы, мінулым летам у Брэсце на зялёныя насаджэнні кустоўя самшыта, якія ўпрыгожваюць цэнтральныя вуліцы горада, масава напаў і стаў знішчаць амерыканскі вусень агнёўка.
Цяпер чытаюць
Брат беларускай каралевы прыгажосці трапіў у рэанімацыю ў Азербайджане4
Каментары