Заўтра могуць вынесці прысуд Насце Лойцы. Суд складаўся ўсяго з двух пасяджэнняў
У Мінскім гарадскім судзе 20 чэрвеня ў 9:30, імаверна, будзе вынесены прысуд праваабаронцы Насце Лойцы. Гэта вынікае з раскладу суда, дзе пазначана, што пасяджэнне будзе адкрытым.
![](http://nnexpictures.fra1.digitaloceanspaces.com/img/w732d4webp1/photos/z_2023_06/loiko-wakbm.jpg.webp)
Наста Лойка ў судзе. Скрыншот відэа СТБ
Насту абвінавачваюць паводле ч. 3 арт. 130 КК (Распальванне іншай сацыяльнай варожасці) за праваабарончы даклад. Ёй пагражае да 12 гадоў зняволення, як нагадвае «Вясна»
Справу разглядае суддзя Алена Шылько. Што запрасіла для праваабаронцы дзяржаўная абвінаваўца Вольга Дзіндзялевіч, невядома, бо працэс праходзіў у закрытым рэжыме.
Таксама застаюцца невядомымі падрабязнасці па справе і пазіцыя самой Насты. Усяго адбылося два пасяджэнні.
Каментары