У Казахстане адмянілі канцэрт Рыгора Лепса пасля таго, як ён паабяцаў плаціць па мільёне расійскіх рублёў за кожны падбіты ўкраінскі танк
У Канаве (Алмацінская вобласць) адмянілі канцэрт Рыгора Лепса, запланаваны на 8 ліпеня. Пра гэта паведаміла пляцоўка Makao Luxury Village Resort, дзе павінен быў выступаць спявак.
«Кампанія Makao Luxury Village Resort, якая падала сваю канцэртную пляцоўку для арганізацыі выступу Рыгора Лепса, прыняла пастанову разарваць дамову з арганізатарамі канцэрта ў аднабаковым парадку», — заявілі ў кампаніі.
На мінулым тыдні расійскія артысты Рыгор Лепс, Мікалай Баскаў, Юлія Бараноўская, Уладзімір Кісялёў і Юрый Антонаў паабяцалі выплачваць па 1 млн рублёў (прыкладна 12 500 даляраў) за кожны падбіты ўкраінскі танк Abrams і Leopard, як нагадвае «Новая газета. Еўропа».
Пасля гэтага казахстанцы выступілі супраць канцэрта Лепса.
«Я заклікаю ўсіх патрабаваць адмены канцэрта гэтага артыста. Ніводзін ціын з нашых кішэняў не павінен пайсці на знішчэнне Украіны», — заявіла журналістка Дзінара Егеўбаева.
Таксама на канцэрт паскардзіўся актывіст Турар Кусаін. Ён скіраваў афіцыйную заяву ўладам з просьбай «не праводзіць канцэрт гэтага Z-артыста на тэрыторыі Рэспублікі Казахстан».
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары