У нядзелю — першая служба ў новым прыхадскім доме беларускіх праваслаўных Канстанцінопальскага патрыярхату
25 чэрвеня адбудзецца адзначэнне памяці святога Яна Хрысціцеля па новым стылі ў беларускім прыходзе Сусветнага патрыярхату ў Вільні.
«Найбліжэйшая нядзеля, 25 чэрвеня — патройнае свята нашай беларускай праваслаўнай грамады Сусветнага патрыярхату ў Вільні! Мы служым першую літургію ў нашым прыходскім доме ў сэрцы старой Вільні па адрасе: Bokštų g. 4 (старадаўняя назва — вуліца Збаўцы)», — напісаў у сваім фэйсбуку святар Георгій Рой.
«Мы святкуем памяць Святога Яна Хрысціцеля (па новым стылі памяць 24.06 — пераносім на 25.06)
Пачатак Літургіі — 9.00
Пасля богаслужэння — чаяванне!
Усіх сардэчна запрашаем на святкаванні і ў нашу новую царкву!» — напісаў ён.
«Яшчэ вельмі хачу папрасіць падтрымаць нашу супольнасць. Нам вельмі патрэбныя сродкі на рамонт і ўладкаванне новай царквы і дому.
Тыя сродкі, якія былі сабраныя, мы патрацілі на набыццё самай неабходнай мэблі і богаслужбовага начыння. Вельмі хацелася б зрабіць наш храм па-сапраўднаму беларускім, дзе мы маглі б расказваць пра духоўную і культурную спадчыну нашай Радзімы. Будзем вельмі ўдзячныя за падтрымку:
Нагадаем, што беларускі прыход у Вільні ў юрысдыкцыі Сусветнага патрыярхату быў створаны ўвесну, пасля таго як святары Георгій Рой і Аляксандр Кухта былі прынятыя пад амафор Канстанцінопальскага (Сусветнага) патрыярхату.
На Вялікдзень прайшла першая служба. Пасля святары сказалі, што будуць прытрымлівацца новаюліянскага календара (супадае з грыгарыянскім).
Святар Георгій Рой — пра даносы на яго, малітвы за Расію, якія дасылалі зверху, надзеі на Сусветны патрыярхат і страх прывыкнуць да несвабоды
Упершыню прайшло беларускае набажэнства ў юрысдыкцыі Канстанцінопальскага патрыярхата
Канстанцінопальскі патрыярхат падпісаў пагадненне з Літвой. Яно тычыцца і беларускіх вернікаў
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі7
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі
Беларускія бізнэсмены спешна прадаюць долі ў сваіх польскіх транспартных кампаніях. Што адбываецца?2
Каментары