Абама не лічыць, што ў 2014 годзе свет недастаткова строга адрэагаваў на анексію Крыма
44-ы прэзідэнт ЗША Барак Абама не лічыць, што ў 2014 годзе сусветная супольнасць спусціла Уладзіміру Пуціну з рук анексію Крыма, недастаткова строга адрэагаваўшы на захоп паўвострава ці не прачарціўшы нейкіх прынцыповых «чырвоных ліній», як піша Бі-бі-сі.
Такую заяву Абама, які ўзначальваў амерыканскую адміністрацыю з 2008-га па 2016 год, зрабіў напярэдадні ў чацвер у інтэрв'ю Сі-эн-эн.
Адно з пытанняў міжнароднай аглядальніцы канала Крысціян Аманпур тычылася якраз ацэнкі заднім чыслом рэакцыі калектыўнага Захаду (у першую чаргу ЗША і Еўрасаюза) на абуральнае парушэнне Масквой міжнароднага заканадаўства.
Паводле Абамы, у 2014 годзе ўкраінская дзяржава была прынцыпова іншай, як і ўкраінская палітыка. І ў Крыме, і ў кантынентальнай частцы Украіны было дастаткова рускамоўных людзей, лаяльных Крамлю і ўспрымальных да расійскай прапаганды.
«Нам з Меркель давялося прыкласці нямала намаганняў, каб пераканаць еўрапейскіх партнёраў увесці тыя санкцыі, што мы ў выніку ўвялі, і не даць Пуціну, захапіўшы Данбас, рушыць далей», — запэўніў Абама.
«Улічваючы, у якім стане знаходзілася тады Украіна і якія настроі пераважалі на той момант у Еўропе, я лічу, што мы цалкам стрымалі ўдар», — падсумаваў Абама.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?5
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары