Усё пачалося са звароту байцоў ПВК «Вагнер», які некаторы час таму ў сябе ў сацыяльных сетках апублікаваў ваенкар расійскага «Першага канала» Дзмітрый Кулькоў. На кадрах відаць, што байцы ў поўным абмундзіраванні просяць спявачку Мэйбі Бэйбі выступіць з канцэртам на фронце (яны тады былі якраз на фронце).
Хто ж такая гэтая Мэйбі Бэйбі?
А гэта наша зямлячка Вікторыя Лысюк, як піша «Народная Воля».
Нарадзілася ў горадзе Жабінка Брэсцкай вобласці. Скончыла Пецярбургскі дзяржаўны ўніверсітэт шляхоў зносін, дзе нават была старшынёй студэнцкай рады. Але па чыгунцы цяпер аддае перавагу ездзіць у якасці пасажыра.
А лепш — наогул лётаць. У 2017 годзе сябар дзяўчыны Уладзімір Галат прыцягнуў яе ў свой музычны праект, вядомы як гурт «Фрэндзона», што цяпер спыніў сваё існаванне.
Але Вікторыя вырашыла выступаць сольна, і ў 2018 годзе выйшаў яе дэбютны сінгл «Аскарбінка».
Цікава, што кампазіцыі Мэйбі Бэйбі зусім не звязаныя з ваеннай тэматыкай. Яна спявае пра каханне, праблемы падлеткаў і, вядома, пра сучаснае жыццё. Больш за ўсё яе любіць пакаленне ад 14 да 18 гадоў — акурат яны яе мэтавая аўдыторыя.
«Пра гэтую спявачку, да свайго здзіўлення, мы часта чулі ад байцоў ПВК «Вагнер» на розных напрамках. Дзяўчына з блакітнымі валасамі, вядома, эфектная. Яе творчасць хоць і далёка ад ваеннай тэматыкі, але, выяўляецца, часам якраз такія песні хочацца слухаць на перадавой. А трэк «Похрюкай» тут наогул стаў хітом!» — канстатаваў расійскі ваенкар Дзмітрый Кулько.
Наколькі вядома, з выступамі на фронт дзяўчына не ездзіла.
Акаўнт Кабанчука ўзламалі — але ці беларускія спецслужбы?11
Каментары