У Гаазе запрацаваў Міжнародны цэнтр па расследаванні вайны ва Украіне — першы крок да трыбунала над расійскімі ўладамі
У Міжнародны цэнтр судовага пераследу за злачынствы агрэсіі (ICPA) уваходзяць пракуроры з Кіева, ЕС, ЗША і Міжнароднага крымінальнага суда, як паведамляе Руская служба Бі-бі-сі.
«Дзякуючы ICPA незалежныя пракуроры з розных краін змогуць штодня працаваць разам у адным месцы, хутка і эфектыўна абменьвацца доказамі і ўзгадняць агульную стратэгію расследавання і судовага пераследу, — гаворыцца ў прэс-рэлізе аб стварэнні цэнтра. — Праца ICPA дазволіць эфектыўна падрыхтаваць і ўнесці ўклад у будучы судовы пераслед злачынстваў агрэсіі».
Гэта значыць, праца цэнтра — гэта першы крок да стварэння спецыяльнага трыбунала, які мог бы прыцягнуць да адказнасці расійскіх чыноўнікаў за развязванне вайны супраць Украіны.
Вайна ва Украіне самая задакументаваная ў гісторыі, як падкрэсліваюць стваральнікі цэнтра, і ўпершыню актыўнае расследаванне злачынстваў агрэсіі праводзіцца ўжо ў працэсе вайны, а не пасля яе заканчэння.
«У той жа час мы маем справу з міжнародным злачынствам, якое рэдка пераследавалася ў судовым парадку і ў дачыненні да якога не існуе стандартнай практыкі», — пішуць яны.
Да гэтага часу адзіным абвінавачаннем, высунутым міжнароднай арганізацыяй супраць расійскіх улад у кантэксце вайны ва Украіне, быў ордар на арышт Пуціна і ўпаўнаважанай па правах дзяцей Марыі Львовай-Бяловай, выпісаны Міжнародным крымінальным судом. Абвінавачанні супраць іх тычацца выключна дэпартацыі ўкраінскіх дзяцей.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў19
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
Дык нафиг ен патрэбен той трыбунал
Три лагеря и базы, для террористов, за государственный счёт (это не финансирование терроризма?) Беларуси строится, это как, норма, это не финансирование международного
терроризма ? За это судить не надо ?