Дагэтуль сваякі не маюць магчымасці пахаваць сваіх родных, бо іх парэшткі ўсё яшчэ знаходзяць пад заваламі, як паведамляе «Гомельская Вясна».
Крыніца паведаміла, што на цэлюлозна-кардонным камбінаце да гэтага моманту разбіраюць завалы пасля выбуху і знаходзяць парэшткі загінулых. Усё, што знаходзяць, адвозяць у Мінск, каб праз генетычную экспертызу даведацца, каму належаць парэшткі.
Аварыя на прадпрыемстве адбылася 7 чэрвеня прыкладна а 15:30.
У той дзень, калі здарыўся выбух, на змене працавалі 15 чалавек. Трагедыя здарылася акурат у перазменку.
Незадоўга да выбуху работнікі выйшлі з цэху, а трое з іх затрымаліся. Віктар Раманькоў, Міхаіл Шаціца, Алег Кацуба загінулі.
Каментары