Жыццю беларускіх пасажыраў з аўтобуса, што перакуліўся ў Польшчы, нічога не пагражае — консул
Консул Беларусі ў Бяла-Падлясцы Уладзіслаў Хало кажа, што некалькіх грамадзян даставілі ў лячэбныя ўстановы. Цяпер у бальніцы горада Бяла-Падляска знаходзяцца 4 чалавекі.
«Цяпер мы звязаліся з доктарам, які растлумачыў сітуацыю. Дзякуй богу, там нічога [страшнага] няма. Там наймалодшы — 14-гадовы падлетак. Экстраннай нейкай дапамогі не трэба. Усё ў гэтым плане досыць прасочваецца і нармальна вырашаецца. Гэтых чатырох чалавек дыягнастуюць на прадмет таго, ці могуць яны працягнуць далей шлях», — цытуе словы Хало БелТА.
Ён удакладніў, што калі б была неабходнасць у экстраннай дапамозе, то была б магчымасць задзейнічаць і беларускі бок. Польскі Цярэспаль знаходзіцца недалёка ад беларускага Брэста. З абласнога цэнтра маглі б даслаць хуткую дапамогу, і тады пацярпелых аператыўна б даставілі на лячэнне ў Беларусь, арганізаваўшы перасадку на мяжы. Але такіх мер не спатрэбілася.
Дыпламатам ужо ўдалося звязацца з польскім перавозчыкам. Ён уступіў запасны аўтобус. І неўзабаве грамадзяне змогуць далей ехаць па сваім маршруце. Аўтобус скіроўваўся з Беларусі ў Модлін — аэрапорт пад Варшавай.
Аўтобус з беларускімі турыстамі перавярнуўся раніцай 5 ліпеня недалёка ад польскага горада Цярэспаль. Ён ехаў з Гомеля ў аэрапорт Модлін пад Варшавай.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары