Кіраўніком аднаго з асноўных інфармацыйных агенцтваў Расіі прызначылі аўтара фільмаў пра Пуціна
Новым гендырэктарам ТАСС прызначаны Андрэй Кандрашоў, тэлевядоўца і аўтар дакументальных фільмаў «Крым. Шлях на Радзіму» і «Пуцін», як піша РБК.
Прэм'ер-міністр Міхаіл Мішусцін падпісаў распараджэнне аб вызваленні Сяргея Міхайлава ад пасады генеральнага дырэктара ТАСС. У дакуменце сказана, што той звольнены па ўласным жаданні.
На пасаду гендырэктара ТАСС прызначаны супрацоўнік ВГТРК (Усерасійскай дзяржаўнай тэлерадыёкампаніі), тэлевядоўца і аўтар дакументальных фільмаў Андрэй Кандрашоў.
У біяграфічнай даведцы, апублікаванай на сайце ўрада, гаворыцца, што Кандрашоў працуе на тэлебачанні з 1991 года.
«Быў уласным карэспандэнтам ВГТРК па Цэнтральнай Азіі, асвятляў працу Дзяржаўнай думы, уваходзіў у склад крамлёўскага пула, вёў праграмы «Весткі» і «Весткі тыдня», — гаворыцца ў паведамленні.
Пазней Кандрашоў курыраваў інфармацыйны блок холдынгу ВГТРК на пасадзе намесніка гендырэктара. Быў прэс-сакратаром перадвыбарчага штаба Пуціна.
Андрэй Кандрашоў — лаўрэат прэміі ТЭФІ ў намінацыі «Вядоўца інфармацыйных праграм» і спецыяльнай прэміі «За адлюстраванне гісторыі».
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары