«NATO ператварыла Вільню ў крэпасць». Альянс умацоўвае мяжу з Беларуссю перад самітам у сталіцы Літвы
Шаснаццаць саюзнікаў NATO накіравалі агулам каля 1000 вайскоўцаў для аховы саміту 11-12 ліпеня. Многія з іх таксама надалі перадавыя сістэмы супрацьпаветранай абароны, якіх няма ў краінах Балтыі.
NATO ператварыла Вільню ў крэпасць, абароненую сучаснай зброяй, каб абараніць лідараў Альянсу, якія сустрэнуцца на наступным тыдні ўсяго за 32 кіламетры ад мяжы з Беларуссю, саюзніцай Расеі, як піша «Радыё Свабода» са спасылкай агенцтва Reuters.
Шаснаццаць саюзнікаў NATO накіравалі агулам каля 1000 вайскоўцаў для аховы саміту 11-12 ліпеня. Многія з іх таксама надалі перадавыя сістэмы супрацьпаветранай абароны, якіх няма ў краінах Балтыі.
Так, Нямеччына разгарнула 12 ракетных установак Patriot, якія выкарыстоўваюцца для перахопу балістычных і крылатых ракет або вайсковых самалётаў. У віленскім аэрапорце былі заўважаныя 8 ракетных установак Patriot, накіраваных у бок расейскага Калінінграда, яшчэ 2 накіравалі ў бок Беларусі.
Іспанія накіравала ў Літву сістэму супрацьпаветранай абароны NASAMS, Францыя — самаходныя гаўбіцы Caesar. Таксама Францыя, Фінляндыя і Данія размяшчаюць свае вайсковыя самалёты ў Літве, Вялікая Брытанія і Францыя — сродкі барацьбы з беспілотнікамі.
Польшча і Нямеччына накіравалі ў Літву верталётныя сілы спецназу. Іншыя краіны дасылаюць меры для барацьбы з любымі патэнцыйнымі хімічнымі, біялагічнымі, радыелагічнымі і ядзернымі нападамі.
«Было б больш чым безадказна пакінуць наша неба без абароны, калі прыбываюць Байдэн і лідары 40 краін», — заявіў прэзідэнт Літвы Гітанас Наўседа.
Таксама Літва ў тры разы павялічыла колькасць памежнікаў на мяжы з Беларуссю і Расеяй на летні перыяд, узмацніўшы іх афіцэрамі з Латвіі і Польшчы. Дзве краіны таксама накіравалі паліцыю для патрулявання Вільні.
«Мы рыхтуемся да розных правакацый», — заявіў начальнік памежнай службы Літвы Рустамас Любаевас. Ён дадаў, што асцерагаецца хваляў мігрантаў з Беларусі, парушэнняў мяжы або з'яўлення вайсковай тэхнікі на мяжы без тлумачэння прычын.
Да саміту Літва аднавіла памежны кантроль на межах з Польшчай і Латвіяй.
Саміт NATO пройдзе 11-12 ліпеня ў Вільні.
Стала вядома, хто жаніх былой дэпутаткі Марыі Васілевіч26
Каментары