Байдэн: Каб разгледзець заяўку Украіны ў НАТА, павінна скончыцца вайна
Прэзідэнт ЗША Джо Байдэн у інтэрв'ю CNN заявіў, што перш чым NATO зможа разгледзець пытанне аб прыняцці Кіева ў свае шэрагі, павінна скончыцца вайна Расіі ва Украіне.
«Я не думаю, што ў NATO ёсць аднадушнасць з нагоды таго, ці прымаць альбо не прымаць Украіну ў сям'ю NATO цяпер, у гэты момант, у разгар вайны», — адзначыў Байдэн.
Байдэн сказаў, што ён падрабязна пагаварыў з Зяленскім і сказаў украінскаму прэзідэнту, што ЗША будуць працягваць забяспечваць бяспеку і ўзбраенне для Украіны, як яны гэта робяць для Ізраіля, пакуль ідзе працэс.
«Я думаю, мы павінны намеціць рацыянальны шлях для Украіны, каб яна магла прэтэндаваць на ўступленне ў NATO», — сказаў Байдэн, адзначыўшы, што ён адмовіўся ад патрабаванняў прэзідэнта Расіі Уладзіміра Пуціна перад вайной узяць на сябе абавязацельства не прымаць Украіну, таму што Альянс праводзіць «палітыку адчыненых дзвярэй».
«Але я думаю, што заўчасна казаць, заклікаць да галасавання цяпер, таму што ёсць іншыя патрабаванні, якім неабходна адпавядаць, уключаючы дэмакратызацыю і некаторыя з гэтых пытанняў», — дадаў Байдэн.
-
«У Грузіі няма зацэментаванай аўтарытарнай дзяржавы з жорсткай вертыкаллю». Беларус расказаў, у чым спецыфіка грузінскіх пратэстаў
-
Па дамоўленасці з сірыйскімі паўстанцамі байцы курдскіх Сірыйскіх дэмакратычных сілаў пакінулі раён Алепа
-
Расследаванне крушэння самалёта DHL у Вільні: Доказаў тэракту няма
Аўтаслесар, афіцыянт, танцор у Тайландзе, ролі ў «Мухтары» і «Сватах». Пяць фактаў пра новага міністра культуры Чарнецкага15
Каментары