Журналістам на саміце НАТА дораць чыпсы скандальнага вытворцы, лыжку мёду і цішоткі з іранічнымі надпісамі пра Вільню
Журналісты, акрэдытаваныя на саміт НАТА ў Вільні, атрымліваюць па два пакункі падарункаў. У іх зазірнулі журналісты «15min.lt».
Журналісты, якія прыязджаюць у будынак Litexpo, дзе будуць збірацца лідары заходніх краін, атрымліваюць па два пакеты падарункаў. У адным — розныя прадукты, сярод якіх — два пачкі чыпсаў Chazz. Гэтым разам — са смакам халадніку і ўкраінскага баршчу. Але раней літоўскі вытворца стаў скандальна знакамітым не толькі ў Літве, калі выпусціў чыпсы са смакам похвы і чэлеса.
Таксама ў пакунках для журналістаў — бутэлька вады, бярозавы сок, ягадныя прысмакі, цёмны шакалад з украінскім гербам на ўпакоўцы, маленькая лыжка мёду.
Акрамя таго, журналісты атрымалі цішоткі з надпісам з аднаго боку «Я не ведаў, дзе Вільня. На шчасце, там праходзіў саміт НАТА» і надпісам «Вільня неверагодна цудоўная» — з іншага.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары