Праз гэтую хваробу кіраўнік ПВК «Вагнер» вядзе здаровы лад жыцця і выконвае строгую дыету. Толькі раз бачылі, як ён выпіў шклянку ліманаду.
Пра тое, што Яўген Прыгожын перанёс анкалагічнае захворванне «Праекту» расказалі два яго супрацоўнікі, якія непасрэдна размаўлялі з ім у апошнія гады. Абодва суразмоўцы сцвярджаюць, што гаворка ідзе пра рак брушной вобласці.
Кіраўнік ПВК «Вагнер» лячыўся ад раку доўгі час і праходзіў сур'ёзную тэрапію, як кажа адзін з суразмоўцаў.
Паводле яго слоў, цяпер «працэс утварэння пухліны нібы спынены». Праз гэтую хваробу кіраўнік ПВК «Вагнер» вядзе здаровы лад жыцця і выконвае строгую дыету. Адзін з шматгадовых супрацоўнікаў Прыгожына кажа, што за апошні час толькі аднойчы бачыў, як той дазволіў сабе выпіць шклянку ліманаду.
На карысць таго, што Прыгожын перажывае з-за стану здароўя, — выяўлены ў яго загарадным доме старанна экіпіраваны медыцынскі кабінет.
Пасля пачатку бунту сілавікі праводзілі ператрус па месцы пражывання Прыгожына, а пракрамлёўскія медыя выклалі фатаграфіі следчых дзеянняў. На адной з іх быў пакой з рэанімацыйным ложкам, апаратам для штучнай вентыляцыі лёгкіх і кіслародным канцэнтратарам.
Акрамя гэтага, вядома, што Прыгожын лячыўся ў элітнай клініцы «Сагаз» (у яе ёсць агульныя праекты з дачкой Пуціна Марыяй Варанцовай) і быў адным з яе першых кліентаў са статусам «супер VIP». Прынамсі, у спісе VIP-кліентаў клінікі журналісты раней выявілі нейкага Дзмітрыя Ісакавіча Гейлера. Пры ператрусах у Прыгожына сілавікі выявілі пашпарт на імя гэтага чалавека, але з фатаграфіяй мяцежніка.
Знаёмыя Прыгожына не выключаюць, што праблемы са здароўем маглі паўплываць на яго рашэнне пачаць мяцеж. «Гэта чалавек з выразаным страўнікам і кішкамі!» — кажа адзін з яго знаёмых.
Цяпер чытаюць
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу12
Каментары