У выпадку неабходнасці НАТА перакіне ў Польшчу сто тысяч салдат — Дуда
Прэзідэнт Польшчы па заканчэнні саміту Паўночнаатлантычнага альянсу ў Вільні зрабіў заяву, што існуе дамоўленасць аб тым, што ў выпадку неабходнасці на тэрыторыю Польшчы перакінуць 100 тысяч салдатаў НАТА.
«Мяркуецца, што калі б адбылася атака на Берасцейскую браму, можна было б разлічваць, што каля 100 тысячаў салдатаў Альянсу былі б скіраваныя на нашу тэрыторыю для неадкладнай абароны», — цытуе словы Анджэя Дуды «Белсат».
Ён дадаў, што гэта прынцыпы, якія цяпер прымаюцца і зацвярджаюцца Альянсам у рамках яго абарончых планаў.
Анджэй Дуда падкрэсліў, што ў выніковым камюніке Беларусь згадвалася пяць разоў, з асаблівым акцэнтам на так званай Берасцейскай браме, як зоне стратэгічнай і ваеннай пагрозы, якая будзе знаходзіцца пад асаблівым наглядам НАТА.
Адначасова прэзідэнт Польшчы адзначыў, што цяпер адбываецца змена рыторыкі Альянсу ў дачыненні да Расіі. «Расія перастала быць абсалютна ў якой-кольвек ступені партнёрам НАТА, цягам многіх гадоў яна называлася партнёрам НАТА, цягам многіх гадоў былі саюзнікамі, якія рашуча выступалі за ўключэнне назвы Расіі як партнёра НАТА ў дакументы Альянсу».
Але пры гэтым Анджэй Дуда падкрэсліў, што сёння няма ніякіх сумненняў у тым, што Расія — агрэсар, Расія сёння — самая вялікая пагроза для краін НАТА, яна вядзе агрэсіўную вайну ва Украіне, агрэсарам яе называе і Паўночнаатлантычны альянс.
Як склаўся лёс хлопца з вядомага жыццесцвярджальнага фота студэнцкага маршу-2020?4
Каментары