Пытанне аб статусе прыватных вайсковых кампаній будзе разглядацца, але пакуль што ПВК «Вагнер» як юрыдычная асоба «не існуе і не існавала», заявіў прадстаўнік Крамля Дзмітрый Пяскоў. Ён дадаў, што «складанае пытанне аб юрыдычным статусе павінна быць вывучана», піша Бі-бі-сі.
Фактычна прэс-сакратар прэзідэнта паўтарыў словы Уладзіміра Пуціна, які напярэдадні ўпершыню пракаментаваў сустрэчу з Яўгенам Прыгожыным і наймітамі ягонай ПВК «Вагнер», якая адбылася ў Крамлі праз пяць дзён пасля ўчыненага імі бунту.
«Ну, дык ПВК «Вагнер» не існуе! У нас жа няма закона аб прыватных вайсковых арганізацыях! Проста не існуе!» — заявіў Уладзімір Пуцін. Затым ён абмовіўся: «Група ёсць, але юрыдычна не існуе».
Такім чынам ён прызнаў, што ПВК «Вагнер» усе гэтыя гады была па-за законам, бо ў Расіі з юрыдычнага пункту гледжання не могуць існаваць прыватныя вайсковыя кампаніі.
Пры гэтым раней Пуцін распавёў, што ўтрыманне наймітаў, сувязь з якімі Крэмль апошнія гады адмаўляў, «цалкам забяспечвалася дзяржавай».
«З Міністэрства абароны, з дзяржаўнага бюджэту, мы цалкам фінансавалі гэтую групу», — заявіў прэзідэнт Расіі.
Па версіі Пуціна, «Вагнер» атрымаў ад дзяржавы з мая 2022 года па май 2023 года каля 86 млрд расійскіх рублёў на зарплату і стымулюючыя выплаты, а таксама каля 110 млрд на страхавыя выплаты, відаць, параненым і сем'ям загінулых.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары