Дзяржаўная памежная служба Украіны (ДПСУ) пацвярджае з'яўленне ў Беларусі асобных груп ПВК «Вагнер», украінскія праваахоўнікі будуць старанна адсочваць іх крокі на тэрыторыі нашай краіны, паведаміў спікер ДПСУ Андрэй Дземчанка ў каментары «Украінскай праўдзе».
«Як мы паведамлялі раней, з прычыны заяў і рыторыкі беларускага кіраўніцтва па пытанні прыёму расійскіх наймітаў і ўладкавання месцаў для іх размяшчэння нельга было выключаць, што рана ці позна ў Беларусі яны ўсё ж з'явяцца.
Паводле стану на сёння наяўная інфармацыя паказвае, што ў Беларусі пачалі назірацца асобныя групы прадстаўнікоў з прыватных вайсковых кампаній, якія перамяшчаюцца з тэрыторыі Расіі.
Мы працягваем адсочваць гэтую сітуацыю, каб ведаць усе месцы, дзе яны будуць дыслакавацца, якая колькасць іх будзе і якія задачы яны будуць выконваць», — сказаў Дземчанка.
Раніцай 15 ліпеня ў Беларусі заўважылі вялікую калону легкавых і грузавых аўтамабіляў на нумарах так званых «ДНР» / «ЛНР», на якіх прыехалі вагнераўцы.
Цяпер чытаюць
Анжаліку Мельнікаву бачылі ў Мінску ў «Дана Моле»48
Каментары