Каардынатар па стратэгічных камунікацыях Рады нацыянальнай бяспекі Белага дома Джон Кірбі на брыфінгу распавёў пра вядомыя яму перамяшчэнні расійскіх наймітаў.
17 ліпеня адзін з афіцыйных прадстаўнікоў Белага дома Джон Кірбі падчас брыфінгу пацвердзіў факт знаходжання байцоў ПВК «Вагнер» у Беларусі. Відэа брыфінгу прыводзіць тэлеканал C-SPAN.
Па словах Кірбі, усяго перамяшчэнні вагнераўцаў зафіксаваныя ў трох месцах: у Беларусі, у Афрыцы і на ўсходзе Украіны.
«Мы не ведаем, дзе знаходзіцца асноўная частка гэтых наймітаў. Пакуль вядома дакладна, што частка з іх ужо ў Беларусі, іншыя атрады накіраваліся ў Афрыку. Безумоўна, яны яшчэ застаюцца на акупаваных тэрыторыях Украіны», — паведаміў Джон Кірбі.
Ён таксама дадаў, што перамяшчэнні і актыўнасць вагнераўцаў цяпер ніяк не ўплываюць на баявую абстаноўку ва Украіне.
Нагадаем, што, паводле спадарожнікавых здымкаў, у лагеры пад Асіповічамі на гэты момант знаходзіцца каля ста адзінак вайсковай тэхнікі «Вагнера». Па свежай інфармацыі маніторынгавай групы «Беларускі Гаюн», у Беларусь прыбыло ўжо тры калоны расійскіх наймітаў.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ6
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары